ភ្នំពេញ៖ ក្រសួងសាធារណការឱ្យដឹងថាក្នុងឆ្នាំ២០២១ ការចុះបញ្ជីស្លាកលេខពិសេសផ្ទាល់ខ្លួនបានចំនួន ៥ ២៩១ ស្លាក ដោយទទួលចំណូល៣៨ប៊ីលានរៀល ស្មើរនឹងជាង៩លាន៣សែនដុល្លារ ខណៈការចុះបញ្ជីផ្លាកលេខពិសេស សម្រាប់ថ្នាក់រាជធានី-ខេត្តបានចំនួន ២៧ ៤៣៧ស្លាកនិងទទួលចំណូលជាង៣០ប៊ីលានរៀល។

ក្រសួងសាធារណការក៏បានឱ្យដឹងផងដែរថា បច្ចុប្បន្នកំណើនរថយន្ត និងទោចក្រយានយន្ត ដែលចរាចរណ៍នៅតាម ដងផ្លូវនាពេលបច្ចុប្បន្នបើធៀបនឹងឆ្នាំ១៩៩៨ ចំនួនរថយន្តមានការកើនឡើងប្រមាណពី ៦,៥ម៉ឺនគ្រឿង ដល់៩២ម៉ឺនគ្រឿង រីឯចំនួនទោចក្រយានយន្តវិញកើនឡើងប្រមាណពី២០ម៉ឺនគ្រឿងរហូតដល់៥,២លានគ្រឿង។

ចាប់តាំងពីបើកដំណើរការចុះបញ្ជីផ្លាកលេខពិសេសផ្ទាល់ខ្លួន តាមប្រព័ន្ធស្វ័យប្រវត្តិកម្ម នៅថ្ងៃទី៧ ខែមករា ឆ្នាំ២០២០ មកដល់ដំណាច់ខែធ្នូ ឆ្នាំ២០២១ ក្រសួងចុះបញ្ជីបានចំនួន ៩ ០០៧ស្លាក និងទទួលបានចំណូលជាង៧១ប៊ីលានរៀល ប្រមាណជិត១៨លានដុល្លារអាមេរិក ខណៈបានចុះបញ្ជីយានយន្តសរុបចំនួន ៤៥៤ ៧០៨ គ្រឿង ក្នុងនោះ រថយន្តធុនស្រាលចំនួន ៥៦ ២៨០គ្រឿង រថយន្តធុនធ្ងន់ចំនួន ១២ ៤៣៦គ្រឿង និងម៉ូតូចំនួន ៣៨៥ ៩៩២គ្រឿង៕